قوارير

قوارير



25 Apr 11:00 - 14:00 - Beni Sue
Chaplin Campus

Route

من اول يوم اتاسس فيه الكيان ودورنا واضح.. اننا نحدث تغيير في مجتمع بني سويف كا بدايه قبل ماننطلق ع مستوي محلي ثم دولي ^_^ انه يكون مجتمع ريادي منتج اكتر منه يكون مستهلك.. كنا دايما سابقين بخطوات كتير وبنقدم افكار ونماذج لمجتمع بني سويف بنتابعهم بس من خلال مواقع التواصل الاجتماعي.. كنا بنحقق المعادله الصعبه.. بنقدم مؤتمرات يمكن ف البدايه بيكون هدفها مش واضح لكل الناس لكن ف النهايه بيخرجو بالحاجه ال احنا عايزين نوصلها .. دايما كنا بنراهن ع مدي ثقافه الشباب وقدرتهم على استيعاب اللى بنقدمه.. عشان كدا جاينلكم الفتره الجايه بحاجات جديده وقيمه.. بما اننا اول مساحه عمل مشتركه فا كنا اول ناس ندعم فكره مساحه خاصه بالبنت بس تقدر تستغلها ف القيام بانشطه تدعم المرأه ع الجانب النفسي والعقلي سواء كان ترفيهي او ثقافي.. بالفعل قدرنا نفعل الفكره ونظمنا اكتر من يوم ترفيهى للبنات وكانت النتيجة ان كتير من البنات طلبو مننا تكرار التجربه اكتر من مرة بالاضافه لأفكار تانيه تنمي من شخصيه كل بنت.. دلوقتي.. هناخدكم لمستوي تاني.. وهنقدم لاول مره في الصعيد ويمكن في مصر كلها مؤتمر للبنات فقط.. ايمانا منا بدور البنت ك كيان بيبني المجتمع.. من هنا كان لازم نولي الكيان دا كل اهتمامنا..



دورنا وهدفنا من المؤتمر اننا نساعد كل بنت هتحضر معانا انها تحدد ميولها.. وتحس بقيمتها الحقيقيه وقدرتها ع احداث الفارق في ال حواليها.. بعد بحث كتير قدرنا نوصل لاكتر الشخصيات النسائيه مش بس الناجحه في حياتها كمان الملهمه في مجالات مختلفه و شتي جوانب الحياه عشان تقدرى تتعرفى ع تجارب لشخصيات مرت بنفس ظروفك أو أصعب .. وده عشان متياسيش مهما كان طريقك صعب ^^.. اليوم مش بس هيقتصر على تجارب ونجاحات لشخصيات بتشاركنا بيها .. كل بنت هتحضر اليوم دا هتضمن انها هتلاقي حاجه تثير شغفها تحطها ع اول الطريق.. وهتبقي خارجه وقادرة تحدد ازاى هتحدد هدفها ^^.. ودا هيبقي الدور ال هنقوم بيه بمساعده الشخصيات ال هنستضيفها.. كمان ده هيساعدنا نوظف كل طاقه ايجابيه هتتولد ف اليوم ده ف مكانها الصح.

الالهام مش بس مقتصر ع الشخصيات ال هنستضيفها..الالهام موجود في بنات كتير حوالينا.. وعشان كدة ولغاية وقت المؤتمر هنشارك ونتفاعل مع بعض ع هاشتجات نقدر نكتب عليها قصصنا.. كلنا عندنا قصص ملهمه يمكن اكثر الهاما من مواقف شخصيات مشهوره بترويها علينا..اتكلمي واحكي والهمي العالم كله بقصتك وخليكي مؤمنه بنفسك.. وشجعي صحباتك ال عندهم قصص... تقدري تسلطي الضوء ع حد يقدر يفيد ويلهم غيرك..مستنيين نشوف مشاركاتكم.. ومنتظرين حضوركم^^.

الاعداد محدوده جدا لحضور المؤتمر... فا ياريت نسارع بالتسجيل في الابليكشن من هنا..
goo.gl/f8dZYT

وتفاصيل المؤتمر بالشخصيات ال هتحضره بالمكان هنعلن عنها في اقرب فرصه بعد العيد ان شاء الله ^_^

#دمتم_ملهمين ^^



© 2018 Siguez